Dihet prej kohësh se ambicia e Federatës Shqiptare të Futbollit është që inaugurimi i stadiumit të ri në kryeqytet, “Arenës Kombëtare”, të bëhet me një ndeshje të një rëndësie të veçantë dhe për këtë arsye shënjestra është Superkupa e Europës 2019.
Postimi i plotë i FSHF-së
Federata Shqiptare e Futbollit ka nisur fazën e saj voluminoze të aplikimit për të siguruar organizimin e finales së Superkupës së Evropës të pas 2 viteve. Sikundër është shpallur edhe më përpara, FSHF është kandidaturë potenciale në këtë garë me shumë vende të tjera, për të kërkuar OK e UEFA-s, si vend organizator për Superkupën Europiane, saktësisht finale e saj në vitin 2019, ku përkon edhe me përfundimin e punimeve në impiantin “Arena Kombëtare”. Një grup pune brenda aparatit të FSHF-së, nën koordinimin e sekretarit të përgjithshëm Ilir Shulku kanë nisur fazën e aplikimit për të plotësuar të gjithë dokumentacionin e plotë që kërkon dosja e kandidaturës së Shqipërisë dhe që kalon nëpër disa etapa, duke kërkuar domosdoshmërish edhe certifikimet e institucioneve të shtetit si Ministria e Brendshme, Ministria e Arsimit dhe Sportit, Bashkia e Tiranës, etj. Deri në fund të majit do të plotësohet gjithçka kërkohet për tu kaluar më pas në Komisionin e posaçëm të UEFA-s, në datë 6 qershor, i cili bën edhe të gjithë verifikimin e pikave të kërkuara. Vendimi për finalen e Superkupës europiane do të merret në shtator të këtij viti.
Ja edhe kandidatët që duan finalen e Superkupës
Shqipëria Tirana National Arena
Franca Toulouse Stadium de Toulouse
Hungaria Budapest Flórián Albert stadion
Israeli Haifa Sammy Ofer Stadium
Kazakistan Astana Astana Arena
Irelanda Veriore Belfast Windsor Park
PoloniaGdansk Arena Gdansk
PoloniaWarsaw Stadion Narodowy
Ja etapat e vlerësimit te kandidaturave:
6 qershor 2017, vleresimi i dokumentacionit te paraqitur nga UEFA
Shtator 2017, vendimi final per vendin organizator