Makina jashtëzakonisht e saktë bëri parashikimin alarmues dhe është projektuar për të parashikuar modele në qytetërimin njerëzor.
Ajo u krijua nga profesorë kryesorë të universiteteve të ndryshme në vitin 1973 dhe që atëherë ka bërë një sërë parashikimesh që janë realizuar.
Këto parashikime tronditëse përfshijnë një rënie të disponueshmërisë së burimeve natyrore dhe mineraleve jetike, dhe një ulje të standardeve të jetesës nga viti 1980 e tutje, transmeton Telegrafi.
Algoritmi i tij më i avancuar merr parasysh një sërë faktorësh duke përfshirë shkallën e lindjeve dhe nivelet e ndotjes për të paraqitur vlerësime se si do të jetë jeta në të ardhmen.
Në atë kohë, parashikimi i tij për vitin 2020 pretendonte se gjendja e planetit do të ishte “shumë kritike”.
Sipas Mirror, një raport lajmesh mbi superkompjuterin transmetoi: “Nëse nuk bëjmë asgjë për këtë, cilësia e jetës zbret në zero”.
“Ndotja bëhet aq serioze sa do të fillojë të vrasë njerëz, gjë që nga ana tjetër do të bëjë që popullsia të zvogëlohet, më e ulët se sa ishte në vitin 1900. Në këtë fazë, rreth viteve 2040-2050, jeta e civilizuar siç e njohim ne në këtë planet do të pushojë së ekzistuari”, vazhdon parashikimi i kompjuterit.
Pajisja, e cila u porosit nga Klubi i Romës dhe u quajt “Bota e Parë”, paralajmëroi gjithashtu se drejtimi i makinave më të pastra dhe ulja e nivelit të lindjeve është një ndryshim kaq i vogël sa që është pothuajse i parëndësishëm kur bëhet fjalë për sigurimin e mbijetesës së botës.
Është një lajm fatkeq për optimistët pasi parashikimet e superkompjuterit mbështeten nga astronomi Royal Martin Rees, një nga astrofizikanët më të shquar në Mbretërinë e Bashkuar. /Telegrafi/