Hendbollistja me prejardhje shqiptare Albana Arifi ka realizuar një supergol nga distanca për Suedinë në Kampionatin Botëror të Junioreve në hendboll.
Suedia mposhti Holandën në Grupin D të këtij Botërori, ndërsa një nga golat më të bukur të duelit u shënua nga Arifi.
Edhe Federata Botërore e Hendbollit e ka vlerësuar lartë këtë gol të bukur nga distanca duke e zgjedhur në mesin e pesë më të mirëve të ndeshjeve të zhvilluara më 4 korrik.
Arifi në fitoren 34:28 ka shënuar pesë gola.
Suedia kryeson Grupin D me katër pikë nga dy ndeshje, aq sa ka edhe Rusia e Japonia.
