Me golin e mrekullueshëm të Enis Bardhit dhe një tjetër të Bojan Miovskit, Maqedonia e Veriut arriti ta mposht Armeninë me rezultat 2:0 në ndeshjen e Ligës së Kombeve. Bardhi u tregua të jetë shpëtimtari, Bardhi është heroi i kësaj ndeshje, duke marrë parasysh se Maqedonia luajti gjithë pjesën e dytë me një lojtar më pak, njofton Telegrafi.
Maqedonia e Veriut ka marrë fitore e madhe, duke e mposhtur Armeninë dhe duke marrë kryesimin në tabelë. Më në fund Maqedonia iu kthye fitoreve dhe kjo ndodhi pas shtatë ndeshjeve pa fitore.
Në fillim të ndeshjes u paraqitën probleme për përfaqësuesen e Maqedonisë, pasi u lëndua Çurlinov, kështu që përzgjedhësi Milevski u detyrua që në fushë të futë Qamilin. Pjesa e parë ishte e dominuar me raste nga Maqedonia, por në sekondat e fundit, arbitri gjerman Osmers i dha kartonin e dytë të verdhë dhe të kuq Zajkovit, kështu që Maqedonia mbeti me një lojtar më pak. Pjesa e parë u mbyll me barazim pa gola 0:0.
Kur pritej që Armenia të sulmonte, pasi kishte një lojtar më shumë, por ishte larg çdo iniciative. Maqedonia kaloi në epërsi me golin fantastik të Enis Bardhit nga gjuajtja e lirë, një ndër golat e tij më mirë në karrierën e tij. Por kjo kjo nuk është e gjitha, Miovski dyfishon epërsinë e Maqedonisë për 2:0, që doli të jetë dhe rezultati përfundimtar i ndeshjes.
Përfaqësuesja e Maqedonisë së Veriut tani do të ketë dy përballje në tetor fillimisht do të jetë mysafire e Letonisë, ndërsa me 13 tetor do të përballen ndaj Armenisë. / Telegrafi/