Një sulmues vetëvrasës goditi një autokolonë të NATO-s në afërsi të qytetit jugor afgan të Kandaharit të mërkurën, duke shkaktuar viktima, kanë thënë autoritetet ushtarake të SHBA-ve.
Sipas mediave të huaja, përcjell Telegrafi, një zëdhënës ushtarak nuk ka mundur të thotë se sa viktima kanë qenë, ose të ofrojnë kombësinë e tyre.
“Mund të konfirmoj se një konvoj i NATO-s u sulmua në Kandahar. Sulmi ka shkaktuar viktima”, ka thënë Lt. Damien E. Horvath.
Zëdhënësi i policisë së Kandaharit, Zia Durrani gjithashtu konfirmoi sulmin dhe zona u rrethua shpejt.
Siç thuhet më tej, deri më tani askush nuk e ka marrë përgjegjësinë për shpërthimin.
Kontingjenti i kombinuar i SHBA-ve dhe trupave të NATO-s aktualisht në Afganistan është rreth 13,500. /Telegrafi/