Sulmuesi japonez Kazuyoshi Miura ka nënshkruar kontratë profesionale që do të mbajë në fushat e gjelbra deri në moshën 50 vjeçare.
Miura që e kishte lënë futbollin me Kombëtaren e tij para 17 vitesh ka vazhduar të luajë futboll profesionist, ndërsa ka shënuar gol në moshën 49 vjeçare.
Ai me 26 janar i mbush 50 vjet dhe me kontratën e re do të luaj në kampionatin e 2017. Ai ka nënshkruar për skuadrën e kategorisë së dytë japoneze Jokohama FC.
Miura, që po ashtu ka luajtur në Evropë ka shënuar 55 gola në 89 ndeshje për Kombëtaren japoneze.
Ai e nisi karrierën në Brazil me Santosin, pasi kishte udhëtuar për tu bërë futbollist pikërisht në vendin ku ky sport ka arritur magjinë e tij.
Ai në vitin 1986 ka bërë debutimin si profesionist, ndërsa në Evropë ka luajtur për skuadra si Genoa dhe Dinamo Zagreb.
Ai u bashkua me Yokohama në vitin 2005, në moshën 38 vjeçare dhe vazon të luajë ende për këtë klub.
“Shpresoj të vazhdoj të luftoj me gjithë forcën time bashkë me shokët e ekipit dhe tifozët të cilët gjithmonë më kanë mbështetur,” u shpreh Miura, teksa po hyn në sezonin e 32-të të karrierës së tij si futbollist profesionist me një tjetër kontratë njëvjeçare. /Telegrafi/
Goli i fundit
Gjatë karrierës
