Telegrafi

Sulmuesi 13-vjeçar i Milanit ka rekord joreal prej 483 golash në 87 ndeshje

Shkumbin Pireva

Një sulmues 13-vjeçar i Milanit ka një nga rekordet më të jashtëzakonshme të golave ​​që mund të shihni në çdo akademi futbolli, pasi thuhet se ka shënuar 483 gola në 87 ndeshje për skuadrat e ndryshme të të rinjve të klubit kuqezi.

Francesco Camarda nuk është vetëm emri i parë i të rinjve që kemi dëgjuar për talentin e madh të tyre kohëve të fundit.

Vetëm vitin e kaluar, së pari dëgjuam për rekordin e jashtëzakonshëm të Youssoufa Moukoko për Dortmundin – para se sulmuesi të bëhej golashënuesi më i ri i klubit gjerman ndonjëherë.

Sidoqoftë, të dhënat e Camardas është e pamundur të injorohen nga perspektiva statistikore.

 

Një postim në rrjetet sociale nga skauti i njohur i futbollit Sciabolata Morbida fitoi vëmendje në mediat sociale pasi italiani ndau detajet e golave të 13-vjeçarit ndërsa luante për Milanin.

Duhet të theksohet se standardi i kundërshtarit do të ketë ndryshuar shumë në këto 87 paraqitje, ku shumë prej tyre nuk ishin ndeshje të zakonshme “11 kundër 11”.

Sidoqoftë, Camarda tashmë është kaluar në ekipin U-15, ku ai luan së bashku me djalin e Clarence Seedorf, Denzel Miguel Viana Seedorf në ekipin e të rinjve të Milanit.

Camarda ka luajtur në Kampionatin Kombëtar U15 të këtij viti, pavarësisht se ishte kundër djemve që janë shumë më të zhvilluar fizikisht se ai.

Vetëm fundjavën e kaluar, sulmuesi shënoi një gol teksa Milani mposhti Hellas Veronën në Kampionatin U15 – duke treguar edhe një herë potencialin e tij të jashtëzakonshëm.

“Unë nuk e di se sa djem, në moshën e tij, kishin mbledhur numra kaq mbresëlënës”, ka thënë skauti Mordiba.

Me këtë në mendje, sigurisht që ia vlen të kujtohet emri Francesco Camarda. /Telegrafi/