Persona të armatosur në Haiti kanë marrë peng priftin dhe tre persona tjerë, brenda kishës gjatë meshës që transmetohej drejtpërdrejtë në Facebook.
Siç raporton Reuters duke u thirrur në të përditshmen “Miami Herald”, gjithë ngjarja e tmerrshme është transmetuar drejtpërdrejtë në Facebook dhe YouTube, e sulmi ka ndodhur në kishën Adventista në periferi të Port-o-Prence, transmeton Telegrafi.
Në anën tjetër, i biri i priftit Gregor Figaro, ka thënë se 10 persona të armatosur kishin mbërritur në kishë me dy vetura – duke rrëmbyer babanë e tij dhe tre tjerë.
Haiti viteve të fundit ka regjistruar rritje të rasteve të dhunës, e në mesin e aktiviteteve kriminale, në veçanti më të shpeshta janë rrëmbimet e njerëzve. /Telegrafi/
