Policia në Belfast janë duke hetuar incidentin që ndodhi para dyerve të një klubi të natës, kur pjesëtari i sigurimit nokautoi jo një por tri femra të cilat me vetëm nga një goditje i përplasi për tokë.
Në videon e publikuar më poshtë, njëra prej këtyre femrave shihet duke sulmuar e para sigurimin i cili më pas i kundërpërgjigjet duke e goditur dhe hedhur përtokë me vetëm një goditje, transmeton Telegrafi.
Por, kur dy vajzat tjera ndërhynë për ta ndihmuar mikeshën, edhe ato e pësuan njëjtë – u nokautuan me nga një goditje në fytyrë. Videoja amatore është shpërndarë në masë të madhe në rrjetet sociale.
Megjithatë këto grushte duke se nuk i ndaluan vajzat që të ngriten në këmbë ,dhe t’i kundërvihen sërish burrit trupmadh. Por, për fat të mirë ishin qytetarët tjerë që ndërhynë për t’i larguar vajzat, duke i kursyer nga ndonjë grusht tjetër i mundshëm.
Zëdhënësi i policisë ka njoftuar, se policia ishte telefonuar pas një rrahje që kishte ndodhur mes tri vajzave dhe pjesëtarit të sigurimit të një klubi të natës. Që të tri këto femra janë arrestuar nën dyshimin se kanë sulmuar sigurimin duke i penguar të kryejnë punën e tyre. /Telegrafi/
