Sonte gjatë orëve të mbrëmjes në Rrugën “Bajram Kelmendi” në Prishtinë janë parë njësite të Policisë së Kosovës.
Siç merr vesh Telegrafi, arsyeja e prezencës së tyre në këtë vend ka qenë sepse është sulmuar gazetari Parim Olluri.
Siç kanë thënë disa dëshmitarë, Olluri është sulmuar nga disa të rinj.
Ndërsa një dëshmitar tjetër ka thënë se gjendja e Ollurit është stabile.
Burime të Telegrafit bëjnë të ditur se ai është sulmuar nga tre persona dhe është duke u trajtuar në QKUK.
Siç merr vesh Telegrafi, si pasojë e kësaj ngjarjeje është alivanosur edhe bashkëshortja e Ollurit. /Telegrafi/
