Është liruar ish-dhëndri i Pal Kolës, roja që mbeti i vrarë nga sulmi me armë zjarri në godinën e Top Channel.
Mësohet se Roberto Papçiu është lënë i lirë bashkë me Agustin Tonajn, të dy të arrestuar rreth orës 03:00 në qytetin e Vlorës, dy orë pas ngjarjes së rëndë në godinën e televizionit kombëtar, raporton Politiko.
Gjatë marrjes në pyetje, të dy kanë mohuar përfshirjen në sulmin ndaj Top Channel dhe vrasjen e rojes. Papçiu ka deklaruar para uniformave blu se ka qenë në Vlorë për të blerë një makinë.
Kujtojmë se dyshimet u hodhën mbi marrëdhënien e Papçiut me familjen e Kolës, pasi vajza e viktimës ishte ndarë para dy vitesh nga Papçiu dhe kishin pasur konflikte për kujdestarinë e fëmijës.