Tre persona humbën jetën dhe katër të tjerë u plagosën pasi një person i armatosur hapi zjarr në lagjen e 10-të të Parisit qendror të premten, tha kryebashkiakja lokale Alexandra Cordebard.
Pamjet në rrjetet sociale tregonin ekipet që dolën në vendin e ngjarjes, transmeton Telegrafi.
“Pas të shtënave dramatike që ndodhën mëngjesin e sotëm, u ktheva në Paris dhe do të shkoj në vendngjarje. Të gjitha mendimet e mia janë me familjet e viktimave. Autori u arrestua”, shkroi në Twitter ministri i Brendshëm francez, Gérald Darmanin.
Të shtënat nuk janë cilësuar si incident terrorist, megjithëse të gjitha janë duke u hetuar.
Të shtënat ndodhën në një qendër të komunitetit kurd, një restorant dhe një dyqan berberi përballë qendrës, shtoi Cordebard.
Shooting in central #Paris,Two killed,1 arrested#Paris #shootout #usa #EmmanuelMacron pic.twitter.com/pYEnunDy7c
— Shekhar Pujari (@ShekharPujari2) December 23, 2022
Sulmuesi i dyshuar është arrestuar. Prokurorja e Parisit, Laure Beccuau tha se motivi i të armatosurit është i paqartë dhe se një hetim ka nisur.
ALERTE – Fusillade à Paris : plusieurs blessés dans le 10eme arrondissement.
Police sur place. Un suspect interpelé. pic.twitter.com/mbQFl2a0vf
— Clément Lanot (@ClementLanot) December 23, 2022
Beccuau u tha gazetarëve në vendngjarje se sulmuesi i dyshuar kishte qenë i njohur më parë për policinë se dyshohej se ishte përfshirë në dy incidente: një në periferi të Parisit të Seine-Saint-Denis dhe tjetri në një kamp tende migrantësh në Bercy, afër Ministrisë franceze të Financave, në rrethin e 12-të të Parisit.
Më herët u raportua se i dyshuari ishte një 69-vjeçar. /Telegrafi/