Autoritetet spanjolle njoftuan mbrëmë se gjatë një sulmi në qendër të qytetit të Barcelonës janë vrarë dhe plagosur qytetarë të 24 vendeve, përcjell Telegrafi Maqedoni.
Nga Ministria e Punëve të Jashtme-Maqedoni informuan mbrëmë se deri ora 20:30 nuk ka informata për qytetarë të lënduar të Maqedonisë, mirëpo nga informacionet e fundit të MPJ-së thuhet se, në përputhje në komunikim me shërbimet përkatëse, Ambasada e Maqedonisë në Spanjë ka arritur deri te informacioni se, një shtetas i Maqedonisë aktualisht është në spital të Barcelonës.
Personi në momentin e sulmit ishte në afërsi të ngjarjes dhe ka të thyer gjymtyrët. Personi është jashtë rrezikut dhe trajtohet nga shërbimet mjekësore spanjolle.
Sipas informatave paraprake, në të cilën thirret ‘BTA’, në mes viktimave përfshihen qytetarët nga Franca, Gjermania, Spanja, Holanda, Argjentina, Venezuela, Belgjikë, Australi, Tajvani, Hong Kong, Hungari, Peruja, Irlanda, Greqia, Kubë, Maqedonia, Kina, Itali, Rumani dhe Algjeri.
Kreu i policisë katalanase, Luis Trapero, tha se dy persona janë arrestuar për pjesëmarrje në sulmin në Barcelonë – një maroken dhe një shtetas spanjoll nga enklava spanjolle Melilla në Afrikë veriore, njofton Kurir. /Telegrafi/