Dy shpërthime të njëpasnjëshme në stacionet e autobusëve në Jerusalem kanë ndodhur gjatë ditës së sotme, duke vrarë një adoleshent izraelito-kanadez dhe plagosur të paktën 26.
Shpërthimi i parë ndodhi pranë një stacioni autobusi të mbushur me njerëz në buzë të qytetit.
E dyta u zhvillua 30 minuta më vonë në vendbanimin Ramot në veri të qytetit, raporton nypost.
Viktima që vdiq në një nga sulmet u identifikua si 16-vjeçari Aryeh Shechopek, i cili ishte rrugës për në një Yeshiva kur ndodhi shpërthimi.
Rabini Aharon Kahana, kreu i Harei Yehuda Yeshiva, e përshkroi studentin e vrarë si një “djalë simpatik” dhe një “gjeni” që ishte i dashur nga të gjithë.
Një instruktor në shkollën hebraike zbuloi se Shechopek nuk ndihej mirë këtë mëngjes dhe nëna ia kishte rekomanduar qëndrimin në shtëpi, por në fund vendosi të shkonte në shkollë.
Shechopek u varros vetëm disa orë pas sulmit në përputhje me traditën hebraike. /Telegrafi/