Pesë njerëz janë vrarë dhe dhjetëra të tjerë janë arrestuar në një masakër në Johannesburg.
Sipas medieve të huaja, përcjell Telegrafi, gjakderdhja ndodhi në një Kishë dhe policia e specializuar dhe një forcë e mbrojtjes kombëtare me armë të rënda mbeten në vendin e ngjarjes.
Besohet se vrasjet erdhën në mes të një beteje drejtimi në kishë, pasi oficerët u futën në kishë në 3 të mëngjesit me kohën lokale pas raportimeve se 200 njerëz ishin marrë peng.
Siç thuhet më tej, katër persona gjetën ‘të qëlluar dhe djegur për vdekje në makinë’ dhe një roje sigurie u qëllua për vdekje në një makinë tjetër, thuhet në një deklaratë.
Gjashtë persona të tjerë u plagosën gjithashtu në sulm.
Ende nuk është e qartë nëse ata të vrarë ishin në mesin e sulmuesve ose pengjeve.
Stacioni televiziv eNCA tha se kishte patur një mosmarrëveshje drejtimi në kishë dhe citoi një zyrtar të kishës të thoshte se rreth 200 njerëz ishin marrë peng.
Ndërkohë policia tha që shpëtoi burra, gra dhe fëmijë të cilët ishin mbajtur peng dhe duket se kishin jetuar në kishë.
Ndërsa komisioneri kombëtar i policisë thotë se përgjigja nga forcat e sigurisë “shmangu atë që mund të kishte qenë një gjakderdhje më e rëndë”. /Telegrafi/