Të paktën 20 persona janë vrarë, ndërsa 50 të tjerë janë plagosur nga një shpërthim që ka ndodhur sot afër Katedrales Koptike në Kajro, njoftojnë forcat e sigurisë të Egjiptit, transmeton Reuters.
Momentalisht, askush nuk e ka marrë përgjegjësinë për sulmin, kurse një medium lokal Sada el-Blad ka njoftuar se një sulmues i paidentifikuar ka hedhur bombë në katedralë, transmeton Telegrafi.
Shpërthimi ka ndodhur në rreth orës 10:00 sipas kohës lokale.
Mediat lokale kanë raportuar se shefi i sigurisë Kajros, Khalid Abdel Aal, arriti në vendin e ngjarjes për të inspektuar shpërthimin.
Katedralja e Shën Markut është selia e kishës ortodokse të vendit dhe shtëpia e liderit të saj, Papa Taeadros II.
Të krishterët koptikë e përbëjnë rreth 10 për qind të popullsisë së Egjiptit. /Telegrafi/
#Update, #Egypt:
At least 20 killed and 35 injured in the bomb #attack in #Cairo.
Moments after the #explosion? pic.twitter.com/LBdYW1LgdG— Jewish Breaking News (@JBN) December 11, 2016