Katër persona të armatosur qëlluan për vdekje nëntë persona në një ambient video-lojërash në Meksikën perëndimore, dhe në mesin e të vdekurve ishin tre fëmijë të moshës 12, 13 dhe 14 vjeç.
Sipas mediave të huaja, përcjell Telegrafi, prokurorët në shtetin e Michoacan thanë që nga sulmi i ndodhur të hënën vonë kanë mbetur edhe dy persona të tjerë të plagosur.
Sulmuesit me sa duket po kërkonin për objektiva specifikë, por më pas hapën zjarr pa dallim në drejtim të klientëve. Dy nga viktimat ishin të moshës 17 dhe 18 vjeç.
Sulmi ndodhi të hënën në qytetin e Uruapan.
Luftërat e terrenit midis kartelave të drogës Jalisco dhe Viagras, si dhe paraardhësve, kanë gjakosur qytetin për disa vjet.
Vetëm në gusht, personat e armatosur të kartelit Jalisco lanë nëntë trupa të varur në një mbikalim, me shtatë kufoma të tjerë të hedhur pranë rrugës aty pranë. /Telegrafi/