Ministri i Lidhjeve dhe Transportit Goran Sugareski, në një intervistë për Radio Evropa e Lirë ka thënë se sistemi i gazifikimit do të bëhet gjatë dy viteve të ardhshme në çdo komunë.
Ai shtoi se qeveria ka plan për gazifikim magjistral, i cili pritet të përfundojë në vitin 2020, ndërsa gazifikimi sekondar do të duhet të bëhet nga vetë komunat, njofton Telegrafi Maqedoni.
“Këtë vit do të fillojë ndërlidhja me Republikën e Greqisë, gjithashtu do të fillojë me Republikën e Bullgarisë. Këtu unë do të doja të them se Ministria e Transportit dhe Lidhjeve, së bashku me qeverinë, natyrisht kanë në plan të përfundojnë plotësisht tubacionet e gazit në fillim të vitit 2020. Kjo do të thotë që ne, si një ministri, duhet të sigurojmë që para secilës komunë të ketë tubacion gazi dhe gazifikimi dytësor duhet të bëhet nga komunat”, tha Sugareski.
Ndërsa sa i përket akuzave se lëshimi në përdorim i autostradës Demir Kapi-Smokvicë është e panevojshme, Sugareski tha se ata sipas procedurave ligjore kanë përshpejtuar procesin./Telegrafi/