Suedia e ka publikuar listën e lojtarëve të ftuar për ndeshjet e muajit tetor, ku do të përballet me Kosovën dhe Greqinë, ndeshje të vlefshme për eliminatoret për Kupën e Botës.
Janne Andersson e ka futur në listë edhe sulmuesin e Milanit, Zlatan Ibrahimovic, i cili aktualisht po vuan nga një dëmtim në thembër.
Suedia do të përballet me Kosovën më 9 tetor, ndërsa tri ditë më vonë takohet me Greqinë, ku të dyja ndeshjet i zhvillon në shtëpi.
Në ndeshjen e parë ndaj Kosovës, fituese kishte dal Suedia me rezultat 3-0.
Momentalisht, Suedia është e dyta në grupin B me 9 pikë pas katër ndeshjeve, ndërsa vendin e parë e mban Spanja me 13 pikë, por ka dy ndeshje më shumë të zhvilluara.
Kosova në këtë grup gjendet në vendin e katërt me 4 pikë. /Telegrafi/
