Sebastian Vall, i riu nga Suedia ditë më parë është arrestuar në Shkodër me 19 pistoleta në çantë.
Sot (e enjte), 21 vjeçari ka dalë para gjykatës në Shkodër ku ka pranuar autorësinë e çantës me armë.
Ai para trupit gjykues ka thënë se armët kishte për qëllim vetëm t’i transportonte pasi i nevojiteshin para.
Suedezi ka treguar se kishte udhëtuar nga Suedia drejt Kosovës me një linjë transiti nga Turqia.
Ai ka treguar më tej se gjatë qëndrimit në Kosovë kishte marrë armët nga një person që sipas tij nuk e ka njohur.
Qëllimi ishte që armët ai t’i dërgonte në Suedi, me një linjë autobusi Kosovë-Gjermani.
Duke u munduar të arsyetoj veprën, Vall ka thënë se ishte i papunë dhe i duheshin paratë për të studiuar.
Prokuroria ka kërkuar masën “arrest me burg”, dhe gjykata ka marrë për bazë këtë kërkesë duke lënë prapa grilave suedezin./Telegrafi/