Sulmuesi i Barcelonës, Luis Suarez e ka cilësuar golin e tij të shkëlqyeshëm kundër Real Mallorca si më të mirin në karrierën e tij.
Lionel Messi vodhi shfaqjen në fitoren 5-2 në La Liga ndaj Mallorcas, por uruguaiani shënoi gjithashtu një gol të shkëlqyer me thembër.
Frenkie De Jong e asistoi atë brenda zonës dhe pavarësisht se kishte afër dy mbrojtës të Mallorcas, Suarez prodhoi një gol me thembër duke mposhtur portierin Manolo Reina.
“Është goli më i mirë i karrierës time”, ka thënë fillimisht Suarez për Marca.
“E dija se kishte një kënd për të shënuar, dhe se do të më duhej të shkoja me thembrën e pasme”, përfundoi ai.
Me këtë gol, Suarez arrin në kuotën e tetë shënimeve këtë sezon dhe tani është i treti në listë pas Messit dhe Karim Benzemas. /Telegrafi/
He'll be screwing up the easiest of chances but will score the difficult goals.
LUIS SUAREZ ladies and gentlemens 😌🔥#BarcaMallorca pic.twitter.com/sYgoGU4dcn— Bunny (@aastapasta) December 7, 2019