Luis Suarez vazhdon të arrijë kufij të pashkelur më parë në lidhje me golat e shënuar me fanellën e Barcelonës.
Me katër golat e tij në fitoren 8-0 ndaj Deportivos, sulmuesi uruguaian i Barcelonës ka arritur tashmë në kuotën e 49 gola në një sezon të vetëm.
Me këtë kuotë golash ai ka mundur të thyejë rekordin personal të arritur nga një tjetër futbollist i madh i Barcas, Ronaldo (Fenomeni), në vitin 1996-1997, kur realizoi 47 gola.
Vetëm Leo Messi ka shënuar më shumë gola në një sezon të vetëm – një gjë që lojtari që vjen nga një tjetër galaktikë e ka bërë në pesë sezone të tjera.
Uruguaiani tashmë ka 49 gola në 48 ndeshje këtë sezon për blaugranat. Ndërsa është hera e dytë që Suarez ka shënuar katër gola në një ndeshje në La Liga.
