Pak pas orës 01:00 të ditës së sotme, stuhia e parashikuar ka arritur në territorin e Kroacisë, e cila paralajmëron fundin e valës së gjatë të të nxehtit.
Në kryeqytetin kroat, Zagreb gjatë natës ka pasur vetëtima të fuqishme, shi dhe erëra të forta.
Në zonën e Zagrebit ka rënë shi pothuajse gjatë gjithë natës dhe sipas raportimeve të mediave, në disa pjesë kanë rënë deri në 100 litra shi për metër katror, që është më shumë se mesatarja mujore e muajit korrik.
Zjarrfikësit kanë pasur 60 intervenime mbrëmë në tërë territoret ku ka pasur edhe vërshime, shkruan index.hr.
Grizanska, një rrugë e madhe në Donja Dubravë, është përmbytur, si dhe rruga kryesore në Vukomerc dhe një pjesë e rrugës në Luçko.
Është përmbytur edhe këndi i lojërave në rrugën Buzinska ndërsa stuhia rrëzoi edhe pemët.
Ndryshe, të hënën priten sërish reshje të theksuara shiu. Por, nuk përjashtohen riga lokale të shiut edhe gjatë të dielës. /Telegrafi/
