Vajza 25-vjeçare, Kristi Reçi, studente e Mjekësisë, e cila u nxor dje e pajetë nga rrënojat, ka vdekur nga tërmeti së bashku me familjarët e saj, vëllain 22-vjeçar dhe të dy prindërit.
Kristi ishte e afërme e djalit të kryeministrit Edi Rama, Greg Rama.
Ky i fundit ngushëlloi sot familjarët e të prekurve nga tërmeti, ndërsa tha se mes viktimave ishte dhe njeriu i tij i afërt, bashkë me familjarët.
“Mes viktimave të shumta nga kjo fatkeqësi natyrore edhe një njeriu im i afërt së bashku me vëllanë e saj, mamain dhe babin janë gjetur nën rrënoja.Vetëm dy trupa janë nxjerrë deri tani nga gërmadhat e asaj që u shpall ditë zie kombëtare. Ngushëllimet e mia shkojnë për të gjithë viktimat e kësaj fatkeqësie”, shkruante djali i Edi Ramës pa dhënë emra, por tashmë është mësuar se e afërme e tij ishte pikërisht 25-vjeçarja Kristi Reçi. /bw/