Tani më pesë muaj të punësuarit në shkollën fillore “Josip Broz Tito” në Strugë janë pa sigurim shëndetësor. Si pasojë, të gjitha kontrollet mjekësore ata detyrohen t’i paguajnë privatisht. Një pjesë e punonjësve thonë se pas një procesi gjyqësor, në punë është kthyer ish drejtorja të cilës duhet t’i paguhen të gjitha detyrimet për dy vitet e gjysmë, aq sa ka zgjatur kontesti gjyqësor. Për situatën e këtillë, nga Këshilli i shkollës i kanë njoftuar të gjitha inspektoratet relevante dhe Ministrinë e arsimit, por se të gjithë kanë hedhur përgjegjësinë.
”Me shkrim janë njoftuar Ministria e arsimit, Inspektorati shtetëror i arsimit, inspektorati i punës, inspektorati administrativ ndërsa jemi drejtuar edhe tek policia. Deri më tani askush mori guximin që të na përgjigjet me arsyetimin se nuk janë kompetentë” tha Tanja Lazarovska, kryetare e Këshillit shkollor.
Punonjësit paralajmërojnë se hapi i radhës do të jetë organizimi i protestave dhe ngritja e padive.
”Çdo kontroll mjekësor, çdo operacion paguhet privatisht. E informuam edhe komisionin shtetëror për parandalimin e korrupsionit” – tha Toni Saveski, ish drejtor i shkollës, njofton Alsat-M.
Drejtorja aktuale e shkollës, Lidija Gogoska përmes telefonit deklaroi se po tenton që problemin ta tejkaloj në mënyrë institucionale. Edhe nga komuna e Strugës thonë se po punojnë për zgjidhjen e problemit që ka lindur si pasojë e përplasjeve mes vet drejtuesve të shkollës.