Stormzy dhe Maya Jama kanë njoftuar se janë ndarë.
Reperi dhe prezantuesja e “Love Island” ndanë një deklaratë të përbashkët në Instagram, duke thënë se ata ishin përpjekur ta bënin lidhjen e tyre të funksiononte që kur u rikthyen bashkë vitin e kaluar.
“Ne u përpoqëm dhe nuk funksionoi, kjo është në rregull”, thanë ata.
Postimi nisi: “Ne kemi qenë duke qeshur gjatë shkrimit të kësaj, sepse nuk kemi menduar kurrë, në një milion vjet, se do të ishim çifti që do të njoftonim një ndarje”.
“Por për hir të qartësisë dhe, më e rëndësishmja, për të na lejuar hapësirën që na nevojitet që të jemi në gjendje të vazhdojmë pjesën tjetër të jetës në paqe, menduam se mund të ishte më mirë ta bëjmë këtë”.
“Ne vendosëm të provonim për herë të fundit në gusht 2023, dhe ne kemi kaluar këtë vit duke u përpjekur maksimalisht për ta bërë atë të funksionojë; megjithatë, kohët e fundit vendosëm të hiqnim dorë”.
“Ne ishim 21 dhe 20 vjeç kur u takuam për herë të parë – të dy në fillim të karrierës sonë – dhe kaluam pesë vjet duke u rritur së bashku dhe më pas pesë vjet duke u rritur veçmas, kështu që kjo përpjekje e fundit kërkonte shumë të kuptuar”, tha mes tjerash ish-çifti.
“Ne ende mendojmë botën e njëri-tjetrit, ende kujdesemi dhe respektojmë njëri-tjetrin, ne jemi ende mirënjohës për kohën që kemi kaluar së bashku, dhe jemi ende miq dhe do të jemi gjithmonë miq”.
Postimi përfundoi: “Po kërkojmë me dashamirësi që të na lejoni të vazhdojmë (edhe pse dyshojmë që kjo mund të realizohet).
“Ju duam dhe faleminderit për të gjithë dashurinë që na keni dhuruar, ka qenë e bukur”. /Telegrafi/