Sekretari i Përgjithshëm i NATO-s, Jens Stoltenberg, ka përshëndetur iniciativën për vazhdimin e dialogut me Prishtinës dhe Beogradit, duke e cilësuar si mënyrën e vetme të zgjidhjes së problemit mes dy vendeve, shkruan Tanjug.
“Përshëndes faktin që Beogradi dhe Prishtina do të bisedojnë, sepse është mënyra e vetme që të zgjidhen sfidat në rajon dhe mosmarrëveshjet për Kosovën”, ka shtuar Stoltenberg, transmeton Telegrafi.
Pas bisedimeve dyditore me ministrat e Mbrojtjes të NATO-s, Stoltenberg tha se nuk dëshiron të spekuloj për rezultatet e takimit të përfaqësuesve të Beogradit dhe Prishtinës gjatë takimit të 27 qershorit në SHBA, por deklaroi se përshëndet dialogun.
Ai theksoi se takimi nuk është i lehtë dhe se është e rëndësishme që përfaqësuesit e Beogradit dhe Prishtinës të takohen. Ai konsideron se është e rëndësishme që përfaqësuesit të takohen pavarësisht faktit që prej kohësh nuk kanë pasur ndonjë takim.
“Beogradi dhe Prishtina e kanë kuptuar se tensionet duhet të ulen dhe se duhet të gjet një rrugë drejt përparimit”, shtoi Stoltenberg. /Telegrafi/