Zëdhënësi i OBRM-PDUKM-së, Naum Stoilkovski sot mbajti një konferencë për shtyp nga selia e partisë. I pyetur për shtatë deputetët e partisë opozitare, të cilët votuan “për” ndryshimet kushtetuese, ai u përgjigj se ata kanë vepruar kundër vullnetit të popullit, përcjell Telegrafi Maqedoni.
“OBRM-PDUKM mbetet me vullneti i popullit, dhe ai vullnet u shpreh më 30 shtator ku u refuzua marrëveshja kapitulluese. Kjo duhet të respektohet. Këta deputetë që u bashkuan me shumicën, të cilët shkelën reputacionin për shprehje demokratike, nuk e respektuan këtë vullnet të qartë të popullit. Ata nuk respektuan as qëndrimin e partisë, që është, përsëriti, qëndrimi i respektimit të vullnetin e shumicës në referendum. Këta ish-deputetë të OBRM-PDUKM-së e dinin dhe ishin të vetëdijshëm para votimit se cili ishte vullneti i popullit dhe cili është qëndrimi i partisë”, tha Stoilkovski.
Ai së pari tha se Maqedonia edhe këtë do ta durojë dhe se nuk do të shkatërrohet kurrë./Telegrafi/