Mbrëmë janë zhvilluar tetë ndeshje në ligën më të fortë të basketbollit në botë në NBA.
Warriors fituan në një ndeshje spektakolare dhe me rivalitet kundër Houston Rockets me rezultat 113-106.
E me këtë fitore trajneri i Warriorsit, Steve Kerr ka hyrë në histori të kampionatit amerikan të basketboll, transmeton Telegrafi.
Kerr, arriti fitoren e 200 në karrierën, derisa u bë trajneri që e arriti këtë shifër më së shpejti.
Këtë numër e ka arritur në ndeshjen 238, derisa trajneri legjendar Phil Jackson, këtë shifër e kishte arritur në ndeshjen e 270. /Telegrafi/