Raheem Sterling është suspenduar nga kombëtarja e Anglisë për ndeshjen e së enjtes ndaj Malit të Zi shkaku u zënkës me Joe Gomez.
Dyshja angleze që ishin në fushë për derbin që Liverpooli e fitoi 3-1 ndaj Manchester Cityt në fundjavën e kaluar, kishin një përplasje mes vete.
Por, kjo gjë nuk ka mbetur vetëm në fushë, pasi ata janë përplasur edhe gjatë seancës stërvitore që e zhvilluan ‘Tre Luanët’ për ndeshjen ndaj malazezëve në kuadër të kualifikimeve për Euro 2020.
Sipas Sportsmail, Sterling kishte tentuar ta kapte për fyti Gomezin e Liverpoolit, derisa u dashtë që të ndërhynin bashkëlojtarët që t’i ndanin.
“Ne kemi shikuar opsionin që mos ta marrim me vete Raheem (Sterlingun) në ndeshjen ndaj Malit të Zi të enjten”, ka thënë Gareth Southgate.
Anësori i Manchester Cityt do të mungojë në këtë takim, mirëpo jo edhe atë ndaj Kosovës më 17 nëntor që zhvillohet në ‘Fadil Vokrri’. /Telegrafi/
