Fizikani i njohur botëror, Stephen Hawking, ka vdekur sot në moshën 76-vjeçare.
Mediat raportojnë se Hawking ka vdekur në shtëpinë e tij në Kembrixh, në orët e para të së mërkurës.
Në moshën 22-vjeçare, Hawking i ishin dhënë vetëm disa vite jetë, pasi ishte diagnostikuar me një formë të rrallë të sëmundjes së qelizave nervore. Sëmundja e kishte lënë atë të paralizuar dhe në pamundësi për të folur, përveç me një sintetizues të zërit.
Shkencëtari britanik ka qenë i njohur për punën e tij me vrimat e zeza dhe relativitetin. Ai ka shkruar disa libra shkencorë, përfshirë “Një histori e shkurtër e kohës”.