Prodhuesi i makinave Stellantis tha të enjten se kishte rënë dakord të blinte aiMotiv, një zhvillues me bazë në Hungari të inteligjencës artificiale të avancuar dhe softuerit autonom të drejtimit, për të çuar përpara përpjekjet e saj për zhvillimin e teknologjisë.
Megjithatë, nuk u zbuluan detaje financiare të transaksionit, transmeton Telegrafi.
Kjo do t’i ndihmojë prodhuesit të përmirësojë inteligjencën artificiale dhe teknologjinë bazë të drejtimit autonom të Stellantis, gjithashtu zgjeron grupin e saj global të talenteve dhe nxit zhvillimin afatmesëm të platformës së saj krejtësisht të re “STLA AutoDrive”.
Marrëveshja gjithashtu mbështet ambicien e Stellantis për të gjeneruar rreth 20 miliardë euro të ardhura vjetore shtesë deri në vitin 2030 nga ofertat dhe abonimet e produkteve të aktivizuara me softuer. /Telegrafi/