Ministri i Zhvillimit Ekonomik (MZHE), në Qeverinë e Kosovës, Blerand Stavileci ka thënë se duhet analizuar aspekte të ndryshëm të fenomenit të ikjes së qytetarëve të Kosovës.
Por, ai ka pasur një porosi për kosovarët. Tha se nuk është mirë që me një rrogë 300 euro një familje të ketë 7 fëmijë.
Në emisionin “Interaktiv” të KTV-së, ai kritikoi ata që kanë ikur nga Kosova duke pasur 350 euro rrogë, dhe 15 ditë punë në muaj.
Megjithatë, Stavileci, pohoi se i takon Qeverisë së Kosovës që ta kthejë shpresën për qytetarët që të mos ikin.
Për këtë, tha se strategjia e zhvillimit ekonomik do të mundësojë hapjen e vendeve të reja të punës, pa cekur numri. /Telegrafi/