Jason Statham dhe e fejuara e tij shtatzënë, Rosie Huntington-Whiteley, kanë kërkuar këshilla prindërore nga babai i pesë fëmijëve, Sylvester Stallone.
49-vjeçari Statham dhe 70-vjeçari Stallone kanë bashkëpunuar në filmat “Expendables” dhe ruajnë miqësi të ngushtë mes tyre.
Aktori britanik dhe modelja 30 vjeçare janë në pritje të fëmijës së tyre të parë, ashtu që është e natyrshme që të kërkojnë ndihmë nga dikush që ka përvojë në kujdesin ndaj foshnjave.
Një burim ka thënë për The Mirror se ikona e filmave aksion respektohet shumë nga prindërit në pritje dhe ata i dëgjojnë me vëmendje këshillat e tij. Madje, Stallone është shprehur i gatshëm që ta bëjë edhe rolin e dados së tyre.
“Ai u ka thënë se është i gatshëm që të kujdeset për foshnjën e tyre njëmijë herë… Ai e ka paralajmëruar Jasonin se është vështirë të jesh baba i vajzave (Stallone i ka tri vajza)”.
“Prandaj nuk janë këshilla vetëm për të porsalindurit, por edhe për kur të rritet fëmija”, ka thënë burimi për The Mirror. /Telegrafi/
