Edicioni i shtatë i festivalit të muzikës “Ngom Fest” starton sonte në qytetin e Prizrenit.
Ky edicion ashtu si i kaluari do të mbahet në kalanë e qytetit, ku tani më kanë përfunduar edhe përgatitjet e fundit.
Në natën e parë në qytetin e Prizrenit do të zbarkojnë artistë të shumtë të hip-hopit, ku pika kryesore do të jenë grupi i njohur kosovar P.I.N.T. (MC Kresha & Lyrical Son, Lav’da, Dj.DritOn, DJ Cuba (+ Special Guest) ) që do të performojnë në Main Stage apo skenën kryesore nga ora 21:00.
Në skenën dytësore apo Sunrise Stage nga ora 02:00 do të vazhdojnë të performojnë DJ të njohur vendor.
Biletat për këtë festival mund ti gjeni në Ngom Shop te vendosur në qendër të Shatërvanit si edhe ne hyrje të kalasë së qytetit. /Telegrafi/
