Këto 12 ditë të festivalit do të jenë të mbushura me aktivitete të shumta, si premiera filmash, intervista, paradë në tapetin e kuq dhe mbrëmje deri në orët e vona të natës.
Në garë është filmi i regjisorit Spanjoll Pedro Almodovar “Broken Embraces”, në të cilin interpreton aktorja Penelope Cruz, ndërsa këtë vit do të ketë çmim edhe për zhanrin e filmit 3-D dhe horror.
Thierry Fremaux, drejtori i festivalit të Kanës u shpreh se dëshironte të shikonte filma të një cilësie të lartë, pavarësisht kategorisë dhe zhanrit.
Në festival do të jetë i pranishëm edhe aktori Brad Pitt i cili do të prezantojë filmin e regjisorit Tarantino, një dramë që bazohet në luftën e dytë botërore.
Ajo që shumë adhurues të kinemasë janë në pritje është filmi horror i regjisorit Lars Von Trier, “The Antichrist”. Festivali i filmit në Kanë përfundon më 24 maj. /News24/BalkanWeb/Telegrafi/