Nuk mund të mos ishte i pranishëm edhe një shqiptar i talentuar si Albert Stanaj në një ndër evenimentet më të rëndësishme muzikore si ‘MTV Video Music Awards 2017’.
Këngëtari shqiptar, i cili po korr shumë sukses si artist në Shtetet e Bashkuara të Amerikës, ka shfaqur momente të ndryshme nga mbrëmja e djeshme (e diel), por ajo tërhoqi vëmendjen e të gjithëve ishte një fotografi ku shfaqet me Jessie J, transmeton TCH.
Ai dhe këngëtarja britanike e kanë postuar këtë imazh në profilet e tyre në Instagram dhe ajo çfarë nuk dinim është se duket që Jessie është një fanse e zjarrtë e Stanajt.
Kësaj fotografie të lezetshme ajo i ka bashkangjitur fjalët: “Më në fund arrita të takoj këtë makineri zhurmuese”, një krahasim ky që shkon për vokalin e mrekullueshëm të këngëtarit shqiptar.