Është publikuar paraqitja e parë e shkurtër e komedisë “My Spy”, ku do ta kemi mundësinë ta shohim një rol krejtësisht ndryshe Dave Bautistan.
Regjinë e këtij filmi e ka bërë Peter Segal, i cili është i njohur për realizimet, si “Naked Gun”, “Get Smart” e “Grudge Match”.Për skenarin e kësaj komedie janë angazhuar dy vëllezërit, Erich dhe Jon Hoeber.
Në këtë film, Bautista luan rolin e një agjenti të CIA-s, i cili duhet ta mësojë vogëlushen Sophie (rolin e të cilës e luan Chloe Coleman) që të bëhet spiune.
Krahas dy aktorëve të përmendur, në këtë film luajnë edhe Kristen Schaal, Ken Jeong, Parisa Fitz-Henley, Nicola Correia-Damude, Laura Cilevitz dhe shumë të tjerë.
Premiera e “My Spy” është caktuar të nisë shfaqen nëpër kinematë amerikane në verën e këtij viti. /Telegrafi/