Një spital kinez ka mohuar pretendimet se një mjek që ishte ndër të parët që paralajmëroi publikun për një epidemi të mundshme të coronavirusit kishte vdekur nga sëmundja.
Spitali Qendror Wuhan tha se Li Wenliang ishte në gjendje kritike dhe mjekët po kontrollonin gjendjen e tijm sipas një postimi në llogarinë e tij zyrtare në mediat sociale.
Mediat shtetërore Global Times raportuan më herët se mjeku 34-vjeçar kishte vdekur nga coronavirusi në moshën 34 vjeç, transmeton Telegrafi.
Dr Li tërhoqi vëmendjen e publikut sepse kishte paralajmëruar për coronavirusin. Mirëpo ai u akuzua për përhapjen e ‘lajmeve të rreme’ dhe u kritikua nga policia dhe spitali i tij.
Dr Li, një mjek në Spitalin Qendror në Wuhan, konfirmoi infeksionin e tij në llogarinë e tij në mediat sociale të shtunën.
Vdekja e tij u raportua nga gazeta shtetërore Global Times sot.
Në një postim përmes llogarisë së tij zyrtare në mediat sociale, gazeta pretendoi se kishte mësuar lajmet nga burime të shumta.
Postimi mblodhi dhjetëra mijëra komente brenda disa minutave, por është larguar nga gazeta për arsye të paspecifikuara.
Lajmi u konfirmua gjithashtu nga BBC.
Organizata Botërore e Shëndetit (OBSH) shkroi në llogarinë e saj zyrtare në Twitter: “Ne jemi shumë të pikëlluar nga vdekja e Dr Li Wenliang. Të gjithë duhet të gëzohemi për punën që ai bëri për coronavirusin”.
Por disa orë më vonë, Spitali Qendror Wuhan – spitali që është duke trajtuar Dr. Li – kundërshtoi raportet.
Ai njoftoi: “Në luftën e epidemisë së coronavirusit, okulisti i spitalit tonë Li Wenliang fatkeqësisht u infektua dhe është në gjendje kritike aktualisht dhe ne po përpiqemi të bëjmë çmos ta kthejmë në gjendjen e tij më të mirë”.
Një zëdhënës i OBSH-së informoi MailOnline se organizata nuk ishte në pozitë të konfirmonte lajmet.
Numri zyrtar i vdekjeve vazhdon të rritet ndërsa Komisioni Kombëtar i Shëndetit i Kinës raportoi 73 vdekje të reja brenda natës – një tjetër rekord ditor. /Telegrafi/