UFC 267 që u mbajt në orët e para të së dielës (sot) në Abu Dhabi solli shumë argëtim… si brenda kafazit ashtu edhe jashtë tij.
Pasi konfirmoi në fillim të javës se do të ishte i pranishëm në ngjarje, Hasbulla u pa i pranishëm së bashku me mikun e tij të ngushtë Khabib Nurmagomedov.
Në një video virale të postuar pas ngjarjes nga profesionisti i boksit Amir Khan, Hasbulla shihet duke hedhur grushta dhe shqelma me rivalin e tij të madh Abdu Rosik.
Incidenti ndodhi kur Petr Yan u intervistua në kafaz pas fitores së tij. Gjithashtu në video shihet Rozik duke u tallur me gjestet e dorës së rivalit të tij dhe më pas përleshja përfundon pasi të dy burrat janë ndarë nga ekipet e tyre përkatëse.
Hasbulla godet me shkelm me këmbën e tij të majtë dhe përpiqet të bëjë të njëjtën gjë me të djathtën përpara se ato të ndalohet përfundimisht.
Në rrjetet sociale mes këtyre të dyve ka pasur shumë përplasje, gjë që ka rënë në sy të shumë ndjekësve në botën e luftimeve. Ka shumë shpresa që këta të dy të hyjnë më në fund në ring pasi u anulua një meç i organizuar më parë mes tyre. /Telegrafi/
It’s going off between #abdurosik and #hasbulla who you got winning? 👊🏼 pic.twitter.com/WP4AV4fCI2
— Amir Khan (@amirkingkhan) October 30, 2021