Ndeshje spektakolare është zhvilluar në Staples Center të Los Angeles, ku Lakers ka mposhtur Miami Heat.
Ka qenë një ndeshje e baraspeshuar ku u desh që dy ekipet të luajnë në vazhdime për tu përcaktuar fituesi.
Lakers kanë triumfuar me tri pikë diferencë 120:117, derisa koha e rregullt përfundoi 112:112.
Përkundër mungesave të mëdha si LeBron James, Rajon Rondo, Trevor Ariza e Kendrick Nunn, Lakers kanë marrë fitoren e dytë radhazi.
Malik Monk ka qenë më efikasi në këtë sfidë me 27 pikë, gjashtë kërcime e tri asistime.
Me lojë fantastike u dallua edhe Russell Westbrook që arriti ‘Triple-Double’ me 25 pikë, 12 kërcime e 14 asistime, derisa Anthony Davis shtoi 24 pikë të tjera e 13 kërcime.
Ndeshjen me pikë dyshifrore e mbyllën edhe Averey Bradley me 17 pikë, Carmelo Anthony me 12 dhe Wayne Ellington me 12 të tjera. /Telegrafi/
Rezultatet:
Cleveland Cavalier – Washington Wizards 94:97
Orlando Magic – Brooklyn Nets 90:123
Boston Celtics – Toronto Raptors 104:88
Houston Rockets – Detroit Pistons 104:112
New York Knicks – Milwaukee Bucks 100:112
Chicago Bulls – Dallas Mavericks 117:107
Memphis Grizzlies – Charlotte Hornets 108:118
New Orleans Pelicans – Oklahoma City Thunder 100:108
San Antonio Spurs – Sacramento Kings 136:117
Denver Nuggets – Indiana Pacers 101:98
Phoenix Suns – Portland Trail Blazers 119:109
Golden State Warriors – Minnesota Timberwolves 123:110
LA Lakers – Miami Heat 120:117
