Ministria e Punëve të Brendshme njofton se dje (08-shtator) rreth orës 09:00, në një parcelë në rrugën lokale Leshkë-Rataj, zyrtarët policorë të SPB Tetovë kanë gjetur 50 rrënjë kanabis.
Numri më i madh i bimëve ka qenë në një arë shtetërore, e disa prej tyre në arën fqinje të personit R.B.(26), i cili është thirrur për intervistë në komisariat pak më vonë.
Në koordinim me Prokurorin Publik rrënjët e bimëve janë marrë për ekspertizë.
Nga MPB thonë se rasti është duke u zbardhur.
Dje (08-shtator), gjithashtu rreth orës 17:30, në një parcelë në atarin e Negotinës së Pollogut, në zonën “Prapadishtë”, zyrtarët policorë të SPB Tetovë kanë gjetur 130 deri në 150 rrënjë kanabis.
Në stacionin policor është thirrur pronari i parcelës, A.N.(56) nga Negotina, janë marrë disa rrënjë të bimës për ekspertizë, ndërsa të tjerët janë asgjësuar.
Po merren masa për zbardhjen dhe dokumentimin e rastit thuhet në njoftimin e MPB-së.