Sektori për Punë të Brendshme në Tetovë përmes një kumtese për media informon se gjatë natës së kaluar, gjatë manifestimit të ndrimit të moteve, nuk janë regjistruar incidente me pasoja serioze, gjegjësisht vlerësojnë se nata e vitit të ri ka kaluar e qetë.
“Janë regjistruar disa prishje të rendit dhe qetësisë publike, edhe atë nëpër objekte hotelerie dhe përreth tyre. Kemi pasur rast ku janë konfiskuar mjete piroteknike dhe personi është arrestuar, si dhe disa persona tjerë të cilët kanë poseduar drogë”.
“Janë regjistruar edhe disa zjarre në rajonin e Tetovës, ku nuk ka pasur të lënduar dhe me intervenim të zjarrfikësve të Tetovës, të njëjtat në tërësi janë lokalizuar”, thonë nga SPB Tetovë.
Ndryshe, edhe në qytetet tjera mbrëmë nuk janë regjistruar incidente të mëdha, përveç në Ohër ku disa shtatë persona për shkak të përleshjes fizike mes vete janë arrestuar nga policia./Telegrafi/