Ministri i Punëve të Brendshme, Oliver Spasovski qëndrimin e punës në Estoni e përfundoi me vizitë në Ambasadën e Maqedonisë së Veriut në Talin, ku nikoqir ishte ambasadori në Ambasadën e Republikës së Maqedonisë së Veriut, Dragan Jordanovski.
Siç informojnë nga MPB-ja, Spasovski dhe ambasadori Jordanovski konstatuan se vizita e punës ka kaluar në një atmosferë të këndshme miqësore me nikoqirët estonezë dhe se formalizimi i një marrëveshjeje të tillë për bashkëpunim policor paraqet një hap para që do të hapë mundësi të reja dhe ide për shkëmbimin e përvojave ndërmjet shërbimeve tona policore.
Para vizitës në Ambasadën e Maqedonisë në Talin, ministri Spasovski vizitoi Departmentin e policisë dhe rojës kufitare pranë Ministrisë së Brendshme të Estonisë, si dhe Akademinë estoneze për Shkenca të Sigurisë.