Ministri i Punëve të Brendshme Oliver Spasovski, nëpërmjet një video fol për qëllimet e tij kur është emëruar në MPB, që ishin besimi në MBP dhe mundësimi që të punësuarit në mënyrë të dinjitetshme dhe përgjegjëse t’i kryejnë punët e tyre.
Spasovski thotë në dy vitet e fundit është angazhuar në zgjidhjen e gjithë problemeve dhe se bashkërisht një pjesë e problemeve janë tejkaluar dhe kjo është hapja e mundësive të reja për arritjen e më shumë rezultateve në periudhën që vjen, njofton Telegrafi Maqedoni.
“Jam krenar që krahas gjithë ndodhive negative në të kaluarën, në këtë ministri punojnë profesionistë që luftojnë kundër krimit dhe korrupsionit, kundër terrorizmit, dhe kujdesen për rendin dhe qetësinë publike”, potencon Spasovski.
Spasovski thekson se në dhjetor të vitit 2018 janë rritur pagat për 4.900 zyrtarë policorë dhe në periudhën që vjen do të vazhdohet me përmirësimin e kushteve të punës, renovimin e stacioneve policore.
Spasovski rikujtoi se qytetarët janë bashkëpunëtori më i madh i MPB-së dhe se gjatë kësaj periudhe do të punohet në zgjidhjen sistematike të problemeve funksionale ku do të përforcohet kapaciteti administrativ dhe institucional i ministrisë./Telegrafi/
