“Në prag të referendumit situata në vend është stabile, institucionet funksionojnë, edhe pse ekzistojnë forca të cilat, nëpërmjet prishjes së sigurisë, t’i arrijnë qëllimet e tyre, t’i kundërvihen anëtarësimit tonë në NATO dhe Bashkimin Evropian”, tha ministri i Mbrojtjes Oliver Spasovski, në intervistën e dhënë për Agjencinë Informative të Maqedonisë, përcjell Telegrafi Maqedoni.
Spasovski gjithashtu tha se qytetarët më 30 shtator kanë mundësi të marrin vendimin e tyre të pavarur për të ardhmen e vendit.
Ai theksoi se pozita gjeostrategjike e Maqedonisë, sjell rreziqe dhe sfida të caktuara, por ato janë parandaluar, në mes të gjithave, edhe me funksionimin e mirë dhe shkëmbimin e informacioneve me shërbimeve miqësore me të cilat bashkëpunon Maqedonia.
“Besoni se Republika e Maqedonisë ka shumë miq të cilët e ndihmojnë, para se gjithash, që ta ruajmë stabilitetin në vend, sigurimi i sigurisë në të gjithë vendin”, tha Spasovski.
Për zërat që qarkullojnë se shërbimet e huaja po përpiqen që të “gërmojnë” para referendumit dhe për ndërhyrjen ruse në “punët e Maqedonisë”, Spasovski tha se Maqedonia ka qëndrim të qartë, kombëtar, interes vital që të jetë anëtare e NATO-s dhe BE-së. /Telegrafi/