Ministri i Punëve të Brendshme, Oliver Spasvoski, në seancën e sotme kuvendare në pyetjen e deputetëve sqaroi se aksioni policor që u zbatua në SPB Tetovë, por edhe në njësitë tjera në MPB, ka të bëjë me informacionet se zyrtarët policorë kanë përdorur droga narkotike.
Siç tha Spasovski, është kryer kontroll te 23 zyrtarë policorë në SPB Tetovë, por edhe në repartin për krim të organizuar, përcjell Telegrafi Maqedoni.
“Kontrolli ka të bëjë me përdorimin e mundshëm të drogave narkotike. Kemi njohuri nga dy tri burime për përdorimin e drogave narkotike. Në bazë të këtyre njohurive, është bërë kontroll te këto zyrtarë policorë në Institutin e mjekësisë ligjore që të vërtetohet nëse ka prani të drogave narkotike dhe cilat janë. Nëse vërtetohet do të ndërmerren masa”, tha Spasovski.
Ai shtoi se është e palejueshme që pjesëtarët e policisë të përdorin droga narkotike.
“E palejueshme është të kemi zyrtarë që janë përdorues dhe bashkëpunëtorë me ata që shesin drogë. E dini se si në Tetovë është vepruar kohën e fundit. Edhe Tetova nuk është përjashtim, por në secilin qytet në pjesën e shpërndarjes së drogës. Në këtë kontekst vitit 2018 është viti më i mirë në menaxhimin me tregtinë e drogës gjatë 10 viteve të fundit”, tha mes tjerash Spasovski.
Deputeti i OBRM-PDUKM-së, Drgan Danev, që parashtroi pyetjen tha se këto policë është u traumatizuan para kolegëve për shkak se armët e tyre u morën para se të merreshin rezultatet në Mjekësinë Ligjore ndërsa Spasovski mohoi./Telegrafi/