Gjatë muajve të ardhshëm presim që të jepet leja për ndërtim dhe do të duhej që gjatë shtatorit-tetorit të fillojë faza e parë, ka theksuar ministri për punë dhe politikë sociale, Dime Spasov, transmeton Telegrafi Maqedoni.
Ministri Spasov gjatë hapjes solemne të çerdhes për fëmijë në komunën e Jegunovcës, informoi që projekti është gati dhe gjatë dy muajve të ardhshëm pritet të miratohet leja për ndërtim, dhe të fillojë faza e parë nga tre fazat e parapara për ndërtimin e shtëpisë së pleqve për personat me të hyra të ulëta.
“Para se LSDM të bëhet pjesë e Qeverisë e përfunduam procedurën për zgjedhje të kompanisë projektuese. Projekti ka përfunduar dhe ka filluar faza për leje ndërtimi. Në dy muajt e ardhshëm presim të miratohet leja dhe në shtator-tetor duhet të fillojë faza e parë, ka deklaruar sot ministri Spasov nga komuna Jegunovcë e Tetovës./Telegrafi/