Site icon Telegrafi

Spanja për herë të parë në histori rrëzon SHBA-të nga froni, zë vendin e parë në renditjen e FIBAS-s

Lavdim Pireva

Për herë të parë në histori, Spanja në basketboll zë vendin e parë në renditjen e FIBA-s për skuadrat më të mira në botë dhe gjithashtu, për herë të parë, Shtetet e Bashkuara të Amerikës nuk janë në vendin e parë.

‘Furia e Kuqe’ tani ka 758.6 pikë në renditjen e FIBA-s, ndërsa Shtetet e Bashkuara të Amerikës, si ekipi i dytë, kanë gjithsej 757.5 pikë.

Kujtojmë se Spanja së fundmi fitoi titullin e kampionit të Evropës pasi mposhti Francën në finalen e Eurobasket.

Me atë fitore ata fituan titullin e katërt të Kampionatit Evropian. Në total, kjo ishte medalja e 14-të e Spanjës në Kampionatin Evropian, ku ka katërt të arta, gjashtë të argjendta dhe katër të bronzta.

Australia është në vendin e tretë me 740.3 pikë, Argjentina është e katërta me 734.3 pikë, ndërsa Franca në vendin e pestë me gjithsej 715 pikë.

Në ranglistën e publikuar të premten, Kosova ka mbetur e 79-ta. /Telegrafi/

 

 

Exit mobile version