Kombëtarja e Spanjës është kampione e re e botës në basketboll.
Spanjollët kanë triumfuar në botërorin ‘Kina 2019’, ku në finale kanë mposhtur Argjentinën me 20 pikë diferencë, 95:75.
Që nga fillimi i ndeshjes spanjollët ishin më të mirë, ku dy çerekët e parë i përfunduan në avantazh 14:23 dhe 17:20 ku shkuan në pushim me epërsi prej 12 pikëve 31:43.
Edhe në dy çerekët e fundit spanjollët ishin më të mirë duke i fituar me rezultat 16:23 dhe 28:29.
Kësisoj për Spanjën kjo ishte hera e dytë që shpallet kampione e botës, pasi këtë sukses më parë e kishin arritur në vitin 2006.
Ricky Rubio ishte më meritori për këtë fitore, pasi shënoi 20 pikë, pati tre asistime e shtatë kërcmie.
Me lojë të mirë u dallua edhe Sergio Llull që shënoi 15 pikë, ndërkohë Marc Gasol shtoi 14 të tjera.
Ndërsa me nga 11 pikë kontribuan Juancho Hernangomez, Willy Hernangomez e Rudy Fernandez. /Telegrafi/